រាជធានីភ្នំពេញអាចនឹងផ្លាស់ប្តូរយ៉ាងខ្លាំងដោយសារទីក្រុងរណបចំនួន ៥។ ទីក្រុងរណបទាំងនោះ នឹង ចំណាយ ទឹកប្រាក់ អស់ចំនួនជា ច្រើនពាន់លាន ដុល្លារដែលនឹង ផុសឡើង ទៅតាម ជាយរាជ ធានីមួយនេះ។
ប្លង់គំរូនៃ Grand Phnom Penh
នាពេលបច្ចុប្បន្ន ទីក្រុងរណបទាំងនោះកំពុងស្ថិតក្នុងដំណាក់កាលសាងសង់ និងកំពុងរៀបចំការ សាងសង់។ គម្រោងអភិវឌ្ឍន៍នេះ និងរួមបញ្ចូលគម្រោងអភិវឌ្ឍន៍លំនៅដ្ឋាន និងតំបន់ពាណិជ្ជកម្ម មជ្ឈមណ្ឌលផ្សារ ទំនើប ក្លិបហាត់ប្រាណព្រមទាំងសួនឧស្សាហកម្ម សាលារៀន មន្ទីរពេទ្យ និងសេវាសាធារណៈផ្សេងៗ។ យោងទៅតាមគម្រោងទីក្រុងទាំងអស់នឹងសំរេចបាននូវក្នុងឆ្នាំ ២០២០ ដើម្បី បំពេញតំរូវការដល់ប្រជាជន កម្ពុជា។ ទីក្រុងរណបធំៗទាំង៥ ដែលអនុម័តដោយរដ្ឋាភិបាលកម្ពុជា និងកំពុងដំណើរការរួមមាន៖
- ទីក្រុងរណបកាំកូស៊ីធី៖
2. ហ្គ្រេនភ្នំពេញ អ៊ិនធើណេសិនណាល់៖ ម្ចាស់គម្រោង៖ ខេមបូឌា វ៉ាយ អិន ភី និងក្រុមហ៊ុនឥណ្ឌូនេស៊ី ស៊ីពូត្រាគ្រុប តម្លៃគម្រោងទុនវិនិយោគ ៦០០លានដុល្លាអាមេរិក ផ្ទៃក្រលាសាងសង់ ២៦០ហិកតា ស្ថិតនៅសង្កាត់ឃ្មួញ ខណ្ឌសែនសុខខាងជើង រាជធានីភ្នំពេញកំពុងដំណើរការនិងបញ្ចប់ឆ្នាំ ២០១៨។
3. ទីក្រុងរណបកោះពេជ្រស៊ីធី៖
ម្ចាស់គម្រោង៖ ក្រុមហ៊ុនបណ្តាក់ទុនវិនិយោគកម្ពុជាក្រៅប្រទេស តម្លៃគម្រោងវិនិយោគ ៣០០លាន ដុល្លារអាមេរិក ផ្ទៃក្រលាសាងសង់ ១០០ហិកតា ស្ថិតនៅតាមបណ្តោយទន្លេបាសាក់ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។ កំពុងសាងសង់និងបញ្ចប់ឆ្នាំ ២០១៦។
4. ទីក្រុងរណបអភិវឌ្ឍន៍បឹងកក់៖
ម្ចាស់គម្រោង៖ ស៊ូការគូអ៊ីន តម្លៃគម្រោងទុនវិនិយោគ ១,៥ពាន់លានដុល្លារអាមេរិក ផ្ទៃក្រលាសាង សង់ ១១៤,៤១ហិកតា ដំណើរការសាងសង់នៅក្នុងពេលឆាប់ៗនេះ។ បញ្ចប់គម្រោងមិនច្បាស់លាស់។
5. ទីក្រុងរណប ទីក្រុងនៃអនាគត
ម្ចាស់គម្រោង៖ ក្រុមហ៊ុនបណ្តាក់ទុនវិនិយោគកម្ពុជា ក្រៅប្រទេស តម្លៃគម្រោងវិនិយោគ ១,៦ពាន់ លានដុល្លារអាមេរិក ការសាងសង់លើដីដែលមានផ្ទៃក្រលា ៣៨៧ហិកតា ដែលស្ថិតនៅសង្កាត់ជ្រោយចង្វារ ខណ្ឌប្ញស្សីកែវ រាជធានីភ្នំពេញ កំពុងសាងសង់ហើយគ្រោងបញ្ចប់គម្រោង សាងសង់ ២០១៦។
បញ្ចូលដោយ ៖ កុយរដ្ឋា
ចេញផ្សាយ ៖ ២០/០៦/២០១២
ប្រភព៖ LIFT
សូមចូលរួមបញ្ចេញមតិចំពោះ ៖ រាជធានីភ្នំពេញនឹងរីកមុខរីកមាត់...
