បន្ទាប់ពី ដំណោះស្រាយជួយដល់ធនាគារដែលជួបវិបត្តិរបស់អេស្ប៉ាញ បានធ្វើរួចរាល់ គេសង្កេតឃើញថា តម្លៃប្រាក់អឺរ៉ូក្នុងទីផ្សារមូលប័ត្រកើនឡើងខ្ពស់ជាងមុនបើធៀបនឹងប្រាក់ដុល្លារអាមេរិក និងប្រាក់យ៉េនជប៉ុន។
នាយករដ្ឋមន្ត្រីអេស្ប៉ាញ លោក Mariano Rajoy បានចាត់ទុកការសម្រេចចិត្តថ្មីនេះជាជោគជ័យមួយសម្រាប់រូបិយប័ណ្ណរួមនេះ។ ការងើបឡើងនៃតម្លៃប្រាក់អឺរ៉ូ ក្នុងទីផ្សារមូលប័ត្រនេះ ជាការបញ្ចប់មន្ទិល និងភាពមិនប្រាកដប្រជាទាំងឡាយចំពោះអេស្ប៉ាញក្រោយពីឃើញចំនួនទឹកប្រាក់កម្ចីមានច្រើនជាងការរំពឹងទុកទៅទៀត។ មិនតែប៉ុណ្ណោះ សេចក្ដីសម្រេចចិត្តថ្មីនេះនឹងផ្ដល់ពេលវេលាដ៏សមស្របមួយ ដើម្បីឲ្យអ្នកតាក់តែងគោលនយោបាយរបស់សហភាពអឺរ៉ុបរិះរកដំណោះស្រាយដ៏ប្រសើរដើម្បីបញ្ចប់ការគំរាមកំហែងនាពេលអនាគតមកលើប្រទេសទាំង ១៧ នៃតំបន់អឺរ៉ូ៕
បញ្ចូលដោយ ៖ កុយរដ្ឋា
ចេញផ្សាយ ៖ ២៦/០៦/២០១២
ប្រភព៖ BBC
សូមចូលរួមបញ្ចេញមតិចំពោះ ៖ អេស្ប៉ាញទទួលបានកម្ចី
